წარმატებული დებიუტი წარმატებულ ოპერაში

თბილისის ოპერისა და ბალეტის სახელმწიფო თეატრის 157-ე სეზონმა 4 ნოემბერს ოპერა `დაისს` უმასპინძლა.

`დაისის` სიუჟეტი მარტივი და უპრეტენზიოა. ეს არის სიყვარულისა და ეჭვიანობის ტრაგედია გაშლილი პატრიოტული გრძნობით მოქმედი მასების ფონზე. `დაისის” შექმნის იდეა ზაქარია ფალიაშვილს ცნობილმა ქართველმა დრამატურგმა და მსახიობმა ვალერიან გუნიამ მიაწოდა, რომელმაც შემდეგ შოთა რუსთაველის, აკაკი წერეთლის, ვაჟა-ფშაველას და ნიკოლოზ ბარათაშვილის ლექსებით სიუჟეტი და ლიბრეტოც შექმნა. ოპერაზე მუშაობა კომპოზიტორმა 1921 წელს დაიწყო. ოპერის პრემიერა შედგა 1923 წლის 19 დეკემბერს თბილისში. “დაისის” წარმატებულ პრემიერას მნიშვნელოვნად შეუწყო ხელი ლეგენდარულმა მომღერალმა ვანო სარაჯიშვილმა, რომელიც მალხაზის როლს ასრულებდა(როგორც ცნობილია, სწორედ მალხაზის როლის შესრულების დროს, გარდაიცვალა ვანო სარაჯიშვილი). ზაქარია ფალიაშვილის ოპერამ “დაისმა” პირველივე წარმოდგენიდან დაიმკვიდრა მუდმივი ადგილი თბილისის ოპერისა და ბალეტის თეატრის რეპერტუარში.

4 ნოემბრის წარმოდგენა დებიუტი იყო მარიამ ტურაშვილისა და ვახტან ჯაშიაშვილისთვის. როგორც ტიტოს როლის შემსრულებელი, გამოცდილი მომღერალი, საქართველოს სახალხო არტისტი, საქართველოს სახელმწიფო პრემიის ლაურეატი, ღირსების ორდენის კავალერი, ნუგზარ გელაშვილი ამბობს, დებიუტი წარმატებლული დამოდგა: `სხვათაშორის ყველაზე რთული პროფესია არის ჩვენი საქმე, უნდა იყო მომღერალიც და მსახიობიც, მაგრამ დღეს ამათ რომ ყუყურებ, მგონია, რომ პირველად კი არ გამოვიდნენ, გამოცდილი მომღერლები არიან. ვამაყობ, რომ მოვესწარი მესამე თაობას. მიხარია, რომ ამ ახალგაზრდების გვერდით ვარ. თვითონ შემარქვეს ხიმრობით `მოზრდილი ახალგაზრდა~.

დებიუტს წარმატებულად აფასებს დირიჟორი რევაზ ტაკიძეც. ბატონი რევაზი დირიჟორობს როგორც ოპერას, ისე ბალეტს. შეკითხვაზე რით განსხვავდება მისთვის ბალეტის დირიჟორობა ოპერისგან, ხუმრობით გვპასუხობს: `ბალეტს ერთი ძალიან დიდი პლიუსი აქვს, იქ მომღერლები არ არიან, ანუ დირიჟორობ მარტო ოკესტრს, აქ _ მომღერლებს, გუნდს. სპეციფიკა ორივეს თავისებური აქვს. ორივე სასიამოვნოა, როცა ყველაფერი კარგად მიდის.~
დამდგმელი დირიჟორი _ დიდიმ მირცხულავა

დამდგმელი რეჟისორი _ ალექსანდრე წუწუნავა

დამდგმელი მხატვარი _ ივანე ასკურავა

დამდგმელი ქორეოგრაფი _ ილიკო სუხიშვილი

განაახლეს ზურად და ჯემალ ანჯაფარიძეებმა, 1977

მარო _ მარიამ ტურაშვილი

ნანო _ ნატალია ვოლჩენკო

მალხაზი _ დავით სუმბაძე

კიაზო _ ვახტანგ ჯაშიაშვილი

ცანგალა _ ტარიელ ჭიჭინაძე

ტიტო _ ნუგზარ გელაშვილი

დირიჟორი: რევაზ ტაკიძე

ოპერის სამხატვრო ხელმძღვანელი და მთავარი დირიჟორი: ზაზა აზმაიფარაშვილი

საქართველოს მხარდასაჭერად ჩვენებურები ეწვივნენ

`რუსული ბომბებით შეშინებული მოსახლეობა ერთიანად ამღერდა`

რეპორტაჟი ოპერისა და ბალეტის თეატრიდან

საერთაშორისო ფესტივალ `ჩვენებურების` რიგით მეექვსე სეზონი დასრულებულია. კონცერტები 18 ოქტომბერს გორში, ხოლო 20 ოქტომბერს ზ. ფალიაშვილის სახელობის ოპერისა და ბალეტის თეატრში გაიმართა. ფესტივალი საქართველოს კათოლიკოს-პატრიარქის, უწმინდესისა და უნეტარესის, ილია II-ის, ინიციატივით ტარდება. ღონისძიების ორგანიზატორები და ხელშემწყობები ასოციაცია `ქართული კულტურა საქართველოში და მის საზღვრებს გარეთ`, საქართველოს საგარეო საქმეთა, ლტოლვილთა და გასახლების, კულტურის, ძეგლთა დაცვისა და სპორტის სამინისტრო და თბილისის მერია არიან. წელს საქართველოს მხარდასაჭერად, ქვეყნის ფარგლებს გარეთ მცხოვრები ქართველთა შემოქმედებითი ანსაბლები და ქართული ფოლკლორით დაინტერსებული უცხოელები აშშ-დან, კანადიდან, ინგლისიდან, საფრანგეთიდან, ჩეხეთიდან, თურქეთიდან, აზერბაიჯანიდან, რუსეთიდან, ირანიდან, უკრაინიდან ეწვივნენ. ფესტივალი საქველმოქმედო ხასიათს ატარებდა და შემოსული თანხა ომის დროს დაზარალებულთა ფონდში მთლიანად გადაირიცხა. ჩვვენებურების მე-6 ფესტივალი ესპანეთში უნდა გამართულიყო, თუმცა ქვეყანაში შექმნილი მდგომარეობიდან გამომდინარე, საზღვარგარეთის ქართული დიასპორების ინიციატივით, ღონისძიება საქართველოში შედგა. ფესტივალმა სტარტი სწორედ დაზარალებული გორიდან აიღო. პირველი კონცერტი 18 ოქტომბერს, დაბომბილი კორპუსების ფონზე, ღია ცის ქვეშ გაიმართა. დასკვნითი საღამო კი თბილისში, 20 ოქტომბერს ზ. ფალიაშვილის სახელობის ოპერისა და ბალეტის თეატრში შედგა. საღამოს საქართველოს კათოლიკოს-პატრიარქი, უწმინდესი და უნეტარესი, ილია II, ხელისუფლების წარმომადგენლები და საზოგადოებისთვის კარგად ცნობილი ადამიანები ესწრებოდნენ. კონცერტი გახსნა ცეკვა `რაჭულმა` სიმღერისა და ცეკვის ანსაბლ `რუსთავის~ შესრულებით. ცეკვებს სიმღერები სცვლიდა. მაყურებელთა ტაში და ოვაციები საღამოს დასრულებამდე გაგრძელდა. განსაკუთრებული აღფრთოვანება კი ოდესის ქორეოგრაფიული ანსაბლ `საქართველოს` `დავლურის` მოცეკვავემ, 5 წლის ნოემ, დაიმსახურა. საღამოს დასრულების შემდეგ მონაწილეებს გავესაუბრეთ. ირანის მომღერალთა ჯგუფ `ფერეიდანის` მომღერალი, დავით გუგუნაიშვილი თავს ბედნიერად მიიჩნევს, რადგან ღონისძიების საშუალებით მისი და მისი მეგობრების სახელით ფერეიდანი საქართველოს გვერდით დგას. `ჩვენი ჯგუფი მეოთხე წელია მონაწილეობას იღებს ფესტივალში, ეს კი საქართველოს სიყვარულის ნიშანია. ჩვენ გადავიტანეთ მძიმე დღეები და დღეს ჩვენი ხალხის გვერდით ვართ, გამოვდივართ და ქართულად ვმღერით. ეს არის ისტორიული ფაქტი. ეს ნიშნავს, რომ ქართველები გმირი, ვაჟკაცი ხალხი ვართ,` _ გამართული ქართულით ამბობს დავით გუგუნაშვილი. `ჩვენ გვიყვარს ჩვენი სამშობლო და გვინდა, რომ დავბრუნდეთ და აქ ვიცხოვროთ`, _ ეს უკრაინის ქორეოგრაფიული ანსაბლ `საქართველოს`მოცეკვავეებეებს მარი გეგეშიძეს, ნანა ცომაიას და ლაშა დანელიას სურვილია. ორ საათში კონცერტი დამთავრდა, თუმცა სარეპეტიციო დარბაზიდან სხვადასხვა ქვეყანაში მცხოვრები მომღერლების ქართული სიმღერის ხმა კიდევ კარგა ხანს გამოდიოდა. ფართო მაყურებელს ჩვენებურები ერთი წლით გამოემშვიდობნენ.